Përveç problematikave të tjra të cilat përballen çdo ditë në repartin e Zjarrëfikëseve në Shkodër, thirrjet që nuk kanë lidhje me raste zjarresh janë kthyer në një problem shqetësues.
Këtë shqetësim e ngre edhe shefi i sektorit të ndërhyrjes së shpejtë në Policinë e Mbrojtjes nga Zjarri dhe Shpëtimit në Shkodër, Ridvan Bushati. Sipas, ky problem shfaqet sidomos nga fëmijët të cilët duke ditur se numri i shërbimit të zjarrfikëseve është pa pagesë i bien pa pushim. Sipas Bushatit, ka patur raste që i kanë kaluar për masa të mëtejshme dhe policisë dhe prokurorisë, porn ë shumicën prej tyre janë zgjidhur përmes komunikimit me prindërit.
Ky problem bënë që linjat e shërbimit të zjarrfikëseve të qëndrojnë të zëna. Ndërkohë, përsa i përket telefonatave të rreme, të cilat çojnë në raste zjarresh të paqena janë shumë të rralla dhe mund të shkojnë në një rast në muaj apo edhe më shumë kohë.
