Një shqiptar, i shpallur në kërkim si pjesë e një organizate që merrej me trafikun e drogës nga Holanda e Spanja në Itali, është arrestuar së fundmi.
Fjala është për një 38-vjeçar, identiteti i të cilit nuk bëhet i ditur, që ka mundur ti shpëtojë prangave, të operacionit policor “Holandezi fluturues”. Për shqiptarin ishtë dhënë një urdhër-arresti ndërkombëtar dhe ai është vënë në pranga në Belgjikë, ku strehohej te disa bashkatdhetarë. Pak ditë më parë ai u ekstradua në Italinë fqinje, nga agjentët e Interpolit dhe efektivë të policisë italiane të Frosinone-s, që kanë udhëhequr hetimet rreth 2-vjeçare, që çuan në kapjen e shqiptarit, raportojnë mediat italiane. Shqiptari operonte në Holandë, duke pasur detyrën e menaxhimit të marrëdhënieve me trafikantët holandezë, nga të cilët merrte sasi të mëdha droge, që më pas shiteshin në Napoli e Lazio të Italisë.
