Trajneri i Vllaznisë, Ernest Gjoka, ka marrë përgjegjësitë për humbjen e sotme përballë Luftëtarit. Tekniku bëri të qartë në “Gol pas Goli” se motivimi i skuadrës nuk kishte qenë në nivelin e duhur dhe tani shkodranët rrezikojnë rënien.
Për humbjen
“Nuk ishim të qartë në lojë dhe mendoj që ishte një ndeshje shumë e keqe, ndoshta faji im për mos motivimin e duhur dhe mos realizmin e duhur të lojës për skuadrën”.
Për problemet e skuadrës
“Nuk dimë të reagojmë, nuk kemi forcë të ngrihemi, kur nuk shkojnë gjërat mirë biem në stres, ndoshta nuk kam ditur të motivoj mirë këtë grup”.
Për mungesën e reagimit të ekipit
“Ndoshta është momenti për të reflektuar, mendoj që është problemi im që nuk kam ditur të motivoj skuadrën në momente të tilla”.
Për rastet e diskutueshme
“Nuk duhej ta linim situatën deri këtu, duhej ta zgjidhnim ndeshjen ndryshe”.
