Tre shqiptarë dhe një grek kanë rënë në prangat e policisë pasi tentuan të trafikonin një sasi prej 3kg kanabis për në Greqi.
Operacioni u shtri në Qafë Botë dhe në Igumenicë, ku fillimisht janë arrestuar tre shqiptarët G. SH 21 vjec, A. A 22 vjec, dhe A. S. 19 vjec banues në bashkinë Konispol.
Pas arrestimit të tyre policia ka kontrolluar telefonin që përdornin për të komunikuar me grekun që i priste në kufi. Falë bashkëpunimit me policinë greke është bërë e mundur edhe arrestimi i grekut i cili në banesë kishte një sasi tjetër kanabisi.
Greku i arrestuar është G.M, 23 vjeç, banues ne Sivota, Bashkia Igumenicë, bashkë me mjetin e tij tip Smart.
Nga kontrolli i kryer në banesën e shtetasit grek, Policia greke gjeti 1.5 kg lëndë narkotike Kanabis.
