“Triathlon Labeat” u zhvillua për të tretin vit radhazi në zonën turistike të Shirokës. Me dhjetra sportistë morën pjesën në disa disiplina të ndryshme. Gara nisi me notin, për të vijuar me biçikletën dhe u përmbyll me vrapimin nga qendra e Shirokës deri tek ura e vjetër e Bunës.
Një prej kontribuesve të hershëm në sportin e notit Shpëtim Hoxha flet rreth aktivitetit.Triathlon është një sport që po kërkohet të kthehet në traditë në qytetin e Shkodrës. Nuk është i zakonshëm sepse përbëhet nga 3 disiplina sportive të ndryshme dhe mund të marrin pjesë persona të të gjitha moshave.
