Ambasada e SHBA me anë të një njoftimi këshillon qytetarët e saj për të mënjanuar qarkullimin në disa prej pikave të Tiranës ku pretendohet se nesër do të jenë të populluara nga protestuesit e opozitës.
Në njoftim thuhet se protestuesit do të mblidhen në orën 9:00 të mëngjesit në sheshin Zogu i Zi, Qytetin Studenti, Stadiumin Selman Stërmasi si dhe rruga përballë parlamentit George W. Bush, i cili është destinacioni final i protestuesve.
Gjithashtu ambasada paralajmëron qytetarët amerikanë se nesër pritet të ndodhë një demonstratë kundrejt qeverisë shqiptare duke kujtuar se një protestë e ngjashme vetëm 4 ditë më parë u kthye në një demonstratë të dhunshme.
Po ashtu, ambasada e SHBA bën me dije se protesta nuk ka një afat kohor të tejzgjatjes si dhe paralajmëron se vendi i protestimit mund të ndryshojë ditën e nesërme.
Dje ishte pikërisht ambasada e SHBA e cila këshilloi opozitën t’i japë fund thirrjeve për dorëheqje të mandateve si dhe mos ndërpresë zhvillimin e rëndësishëm të Shqipërisë.
