Turisti gjerman aksidentohet në Llogara
Një turist gjerman është përfshirë në një aksident me biçikletë në zonën e Llogarisë, në Vlorë. Aksidenti ka ndodhur pak pas orës 13:00. I lënduar ka mbetur shtetasi gjerman me inicialet U.Sh., 71 vjeç. 71-vjeçari ishte pjesë e një grupi turistësh të huaj që po zbrisnin me biçikleta Qafën e Llogarasë në drejtim të fshatit të Dukatit. Ai ka humbur kontrollin e mjetit me dy rrota dhe është rrëzuar. Si pasojë, është dëmtuar lehtë në njërin krah dhe po merr mjekimet në spitalin e Vlorës. Në këtë periudhë, Qafa e Llogarasë është një ndër destinacionet turistike më të frekuentuara të rrethit të Vlorës, sidomos nga turistë të huaj që pëlqejnë ta përshkojnë atë me biçikleta.
