“Sot në darkë mbërrin charteri i parë nga Finlanda. Janë 30 mijë turistë që vijnë për herë të parë në Shqipëri.”
Lajmin e bëri të ditur ministri i Turizmit Blendi Klosi dje gjatë një takimi me qytetarë në Teatrin Petro Marko në Vlorë, në kuadër të turit “Puna për Shqipërinë që Duam, llogaridhënia publike e qeverisë”
Ministri i Turizmit Blendi Klosi u shpreh optimist që këtë sezon turistik Vlora do të mirëpresë më shumë vizitorë.
“Është një arritje në fushën e turizmit në Shqipëri, janë 30 mijë turistë që vijnë për herë të parë në Shqipëri. Duhet që këtë vit sezoni turistik të jetë i mirëmenaxhuar”, nënvizoi Klosi.
