Autoritetet e Turqisë kanë lëshuar urdhër-arreste për 42 gazetarë, në aksionin e nisur pas grushtit të dështuar të shtetit.
Në listë është edhe komentatori i njohur dhe ish-anëtari i parlamentit, Nazli Ilicak. Në vitin 2013 ky gazetar ishte përjashtuar nga puna në gazetën proqeveritare Sabah, për shkak se i kishte kritikuar ministrat e përfshirë në një skandal të korrupsionit. Qeveria për këtë skandal të profilit të lartë, kishte fajësuar kleriukun turk, Fethullah Gulen, që jeton në Shtetet e Bashkuara. Ankaraja e akuzon sërish Gulen se ka dorë në përpjekjen për grusht shteti më 15 korrik. Autoritetet turke janë kritikuar gjerësisht edhe para grushtit të shtetit për kufizime të lirisë së shtypit.
