Nata e ndërrimit të viteve është kthyer në tragjedi në disa vende.
Tre persona kanë humbur jetën si pasojë e fishekzjarrëve, ndërsa dhjetëra të tjerë në Europë janë plagosur.
Ndonëse përdorimi i tyre është ndaluar, nuk i ka penguar qytetarët t’i përdorin gjatë festave.
Mediat e huaja shkruajnë se 12-vjeçar humbi jetën dhe një tjetër u plagos rëndë në Holandë. Për këtë ngjarje është arrestuar një person.
Në Gjermani, një 37-vjeçar humbi jetën nga fishekzjarrët në natën e ndërrimit të viteve në qytetin perëndimor të Hennef. Policia ka nisur hetimet dhe nuk ka ende të ndaluar.
Gjithashtu agjencia gjermane e lajmeve DPA raportoi se disa persona kanë mbetur të plagosur si pasojë e incidenteve të ndryshme në Gjermani.
Të paktën 80 persona u lënduan nga fishekzjarrët në Holandë dhe mes tyre kishte njerëz që humbën këmbët dhe duart.
Në Austri pati gjithashtu disa incidente, ku një 23-vjeçar humbi jetën.
(BalkanWeb)
