Panik dhe kaos në rrugët e qytetit indian, Surat.
Një kamion që transportonte gaz u përplas me një autobus shkolle, me mjetet që shpërthyen në flakë dhe u shkrumbuan plotësisht.
Shpërthimi i bomblave të gazit dëgjohej nga një distancë shumë ë largët, duke rritur rrezikun e një fatkeqësie akoma dhe më të madhe.
Megjithatë, gjithçka përfundoi pa viktima, pasi evakuimi i nxënësve të shkollës, që ndodheshin në autobus u arrit në kohë rekord.
Pamjet nga vendi i aksidentit u kapen nga qytetarët, me videon që është bërë virale tashmë në rrjetet sociale.
