E Ngarkuara me Punë e SHBA në Shqipëri Nancy VanHorn dhe Drejtuesja e USAID/Shqipëri Mischere Kawas zhvilluan një takim me ministren e Shëndetësisë dhe Mbrojtjes Sociale, Albana Koçiu. Në një postim në rrjetet sociale, Ambasada e SHBA-së në Tiranë tha se “VanHorn, Kaeas dhe Koçiu diskutuan rëndësinë e partneritetit të fortë dypalësh në mbështetje të përmirësimit të sistemit shëndetësor”.
Gjithashtu gjatë takimit VanHorn dhe Kaeas biseduan me ministren Koçiu edhe mbi reformat e mbrojtjes sociale në dobi të popullatave më të cenueshme të Shqipërisë. Ministrja Koçiu në një postim në rrjetet sociale tha se e uroi VanHorn për misionin e saj në vendin tonë.
“U angazhuam për vijimin e bashkëpunimit në fushën e shëndetësisë dhe mbrojtjes sociale mes Shqipërisë dhe SHBA”, tha Koçiu.
