Bashkia Vau Dejës ka zhvilluar një takim sensibilizues për masat që duhen marrë për parandalimin e bimëve narkotike në atë zonë.
Kryetari i bashkisë Vau Dejës Mark Babani tha se në zonat e thella brenda tre muajve janë gati projektet e para për zhvillimin e agroturizmit në mënyrë që banorët atje të mos merren më me kultivimin e kanabisit.
Zëvendës drejtori i policisë vendore të Shkodrës Dashamir Spaho u shpreh se gjatë 2019-ës ka patur 19 raste më shumë të kultivimit të kanabisit se në 2018-ën por u dha mesazh kultivuesve se pasurimi nepërmjet këtij krimi ka marrë fund.
Shefi i komisariatit në policinë e Vau Dejësit Paulin Çupi tha se në 2019-ën ka patur një rritje të kultivuesve për shkak se policia ka qenë e angazhuar me protestat e opozitës.
Të gjithë të pranishmëve në këtë takim të organizuar nga bashkia Vau Dejës për parandalimin e kultivimit të kanabisit iu kërkuar që të bashkëpunojnë me policinë në mënyrë që ky fenomen të shkojë drejt minimizimit.
