Ngjarje e rëndë është regjistruar mëngjësin e sotëm në fshatin Varibob të Fierit, ku një 33-vjeçar ka goditur me thikë vëllain e tij.
Dy vëllezërit ishin zënë me njëri-tjetrin teksa hanin mëngjes.
Burime zyrtare nga policia bënë me dije se shtetasi me inicialet A. S., akuzohet se për motive të dobëta ka goditur me thikë vëllain e tij, shtetasin S. S., 28 vjeç, i cili ndodhet nën kujdesin e mjekëve në Spitalin Rajonal Fier.
Materialet do i kalojnë Prokurorisë pranë Gjykatës së Shkallës së Parë Fier për veprën penale “Dhunë në familje”.
