Një berberanë në Kuçovë ka rënë pre e vjedhjes, ku janë marrë mallra me vlerë mbi 600 mijë lekë të vjetra. “Më datë 14, në lagjen “1 Maji”, kanë vjedhur mallra në berberhanen e H.T., vjeç 25, banues në këtë lagje. Po punohet për identifikimin dhe kapjen e autorëve”, njoftoi zyrtarisht Policia.
I riu tha për “Syri.net” se vjedhja ka ndodhur rreth mesnatës, dhe ka qenë vetë ai që ka telefonuar Sallën Operative pasi e ka pikasur. 25-vjeçari saktësoi se i janë marrë dy makina qethje me vlerë rreth 400 mijë lekë dhe 240 mijë lekë “CASH”. Berberana e vjedhur ndodhet disa metra larg nga pallati ku jeton i riu.
Po dje gjatë natës, një banesë në Kuçovë ku jetojnë një çift të moshuarish ka rënë pre e grabitjes me thikë. Edhe për këtë rast, autorët mbeten të panjohur për Policinë.
