Bashkia e Shkodrës vazhdon mbështetjen për individë dhe familje në nevojë në territor për të lehtësuar situatën ekonomike përmes shpërndarjes së pakove ushqimore, materialeve higjienike e të tjera.
Ditën e sotme, shpërndarja ka vijuar në Njësinë Administrative Guri i Zi, ndërsa kryetarja e Bashkisë së Shkodrës Voltana Ademi ka folur mbi ecurinë e detiranishme të këtij procesi të rëndësishëm.
Kryebashkiakja Ademi ka folur për kriteret që ndiqen në përzgjedhjen e individëve dhe familjeve me prioritet, kjo bazuar në vendimin e Këshillit të Ministrave dhe në ligj.
Kryetarja e Bashkisë ka bërë thirrje që të respektohen masat e distancimit social, duke u kërkuar banorëve të qëndrojnë në shtëpi dhe të dalin vetëm për nevoja emergjente dhe vetëm një person për familje.
