Një këngëtare ka vendosur të tërhiqet nga Festivali i 57-të në RTSH vetëm pak ditë para finales së madhe.
Vikena Kamenica që prezantoi këngën “Natën e mirë” është tërhequr nga gara e konkurrimit.Kjo gjë është konfirmuar nga faqja zyrtare e festivalit në Instagram, ku zbulohet arsyeja përse Vikena vendosi të largohet.
“Vikena Kamenica nuk do të jetë pjesë e Festivalit të 57-të në RTSH. Kënga “Natën e mirë”, e këngëtares Vikena Kamenica nuk do të jetë pjesë e konkurrimit në Festivalin e 57-të të Këngës në Radio Televizionin Shqiptar.
Artistja është tërhequr nga gara për shkak të disa impenjimeve të papritura profesionale, të cilat janë bërë pengesë për të respektuar vijueshmërinë dhe rregulloren e Festivalit.
Sipas rregullores së Festivalit bazuar në vlerësimet e Komisionit Përzgjedhës, kënga që do të vijojë garën është “Dua ta besoj”, kënduar nga Artemisa Mithi & Febi Shkurti”, shkruhej në njoftimin e festivalit.
