Vjedh iPhone4 nga Benz-i i një gjykatësi, pranga 21-vjecarit
Një 21-vjeçar me banim në Burrel është arrestuar pasi ka goditur me mjete të forta xhamin e një automjeti tip Benz C-class i cili është në pronësi të një gjykatësi dhe ka vjedhur një aparate celular iPhone 4. Arbër Cërriku, 21 vjeç, banues në qytetin e Burrelit, i dënuar më parë për vjedhje rreth orës 04:00 të datës 17.10.2016 ka thyer me mjete të forta xhamin trekëndësh të automjetit Benz C-class në bashkë pronësi të shtetasit R.K dhe të djalit të tij A.K, ku ka marrë një aparat celular I-Phone 4. Në momentin e arrestimit, shtetasit të lartpërmendur i është gjetur dhe sekuestruar në cilësinë e provës materiale aparati celular i vjedhur në automjetin e shtetasit R.K.
