Kreu i Shtetit mirëpriti rekomandimin dhe e cilësoi si “akt inkurajues, i shumëpritur dhe strategjik për të ardhmen evropiane të vendit”. Presidenti Ilir Meta
Presidenti Ilir Meta priti ka përshëndetur çeljen e negociatave me Bashkimin Europian. Në një takim në Presidencë me ambasadoren e Bashkimit Europian Romana Vlahutin,
kreu i Shtetit mirëpriti rekomandimin dhe e cilësoi si “akt inkurajues, i shumëpritur dhe strategjik për të ardhmen evropiane të vendit”.
Meta shtoi se “ky moment do të sjellë një reflektim të thellë dhe serioz për përballjen e sfidave të mëdha që kemi përpara”.
Presidenti e vlerësoi Komisionin si një mik të çmuar e të pakursyer të vendeve kandidate, duke u vetëdëshmuar një forcë e madhe tërheqëse drejt zgjerimit të mëtejshëm të BE-së.
Duke e konsideruar raportin e progresit për Shqipërinë në harmoni të plotë me strategjinë e zgjerimit që synonte një perspektivë të besueshme dhe angazhim të thelluar të BE-së në Ballkanin Perëndimor,
Kreu i Shtetit theksoi rëndësinë që ka miratimi i kësaj qasjeje dhe rekomandimit të Komisionit nga Këshilli Evropian i qershorit, për të nisur etapën e re të procesit të negociatave të anëtarësimit.
Presidenti Meta shprehu kënaqësinë që ky raport dhe, posaçërisht rekomandimi për çeljen e negociatave, i gjen të gjithë aktorët politikë,
institucionalë dhe qytetarët shqiptarë të bashkuar në dëshirën për të përparuar sa më shumë dhe sa më parë drejt BE-së, pa mëdyshje.
Ai shprehu besimin se ky moment do t’i shërbejë një reflektimi të thellë dhe serioz për përballjen e sfidave të mëdha që kemi përpara, për ta bërë Shqipërinë një vend evropian më shpresëdhënës.
