Vllaznia fiton bindshëm ndaj Korabit 3-0
Vllaznia ka mundur bindshëm skuadrën e Korabit me rezultatin 3-0, në një atmosferë gati inekzistente në shkallët e stadiumit “Loro Boriçi”, përballë një numri shumë të vogël tifozësh, ku nuk ka munguar incidenti i mungesës së ndriçimit, apo më saktë i zbehjes së tij për disa minuta. Shkodranët kanë mundur lehtësisht ekipin modest të Korabit, falë golave të realizuar nga Shtubina në minutën e 23’, që zhbllokoi rezultatin falë një goli me kokë. Dyfishimi i rezultatit është regjistruar në të 75’ nga Bardulla, ndërsa në minutën e fundit ishte Tafili ai që sigloi rezultatin final në shifrat 3-0, përballë një Korabi që ka tentuar shumë, por pa mundur dot të finalizojë qoftë edhe një herë të vetme.
