VLLAZNIA PREZANTON ZYRTARISHT GILMAN LIKEN

KALAMISHI: I KEMI BËRË OFERTË DHE ARMANDO VAJUSHIT. Vllaznia ka prezantuar zyrtarisht blerjen më të re, mesfushorin shkodran, Gilman Lika.

Ka qenë administratori i klubit Neritan Kalamishi, i cili ka prezantuar përpara mediave prezantimin e radhës ku dhe është nënshkruar kontrata përkatëse. Gilman Lika, ndonse ka nënshkruar kontraten me kuqeblutë, ka një opsion se mund të largohet në qoftëse do të ketë një ofertë për në kampionatet e huaja. Në të kundërt, në qershor do të rishikohen vlerat financiare të kontratës për të qenë pjesë e ekipit dhe për sezonin e ardhshëm.