Ardit Hoxhaj është një prej futbollistëve të Vllaznisë i cili po kalon një formë të mirë sportive ndërsa në ndeshjen e fundit me Apoloninë shënoi golin e fitores. Në prag të përballjes së radhës me Skenderbeun, Hoxha thotë se Vllaznia do të synojë një tjetër fitore për të vijuar ecurinë pozitive dhe shkëputjen në vendin e parë në renditje.
Tashmë që Vllaznia mban vendin e parë në renditje ka një ego edhe më të madhe të lojtarëve kuqeblu për të qenë në formacion ndërsa objektiv ka shënimin e 8 deri në 10 gola.
Ardit Hoxha është një ish-futbollist i Skenderbeut dhe bën të ditur se korçarët për momentin pikën më të fortë kanë mesfushën.
Vllaznia mban vendin e parë në renditje ndërsa Skenderbeu është në vend të parafundit por pavarësisht kësaj kuqeblutë kanë vlerësuar maksimalisht këtë përballje për të siguruar një tjetër fitore.
