Vllaznia do të luajë ditën e premte ndeshjen e parë të vitit në kampionat ndaj Tiranës, duke nisur nga ora 17:00 në stadiumin “Loro Boriçi”. Trajneri Thomas Brdariç doli në konferencën e zakonshme në prag të “Klasikes” me Tiranën, teksa gjermani u shpreh se janë të uritur për fitore dhe shpreson që kjo të ndodhë.
Brdariç foli për merkaton e bllokuar, por edhe për largimet.
Për këtë sfidë, dy futbollistët e ardhur pak ditë më parë te Vllaznia, pikërisht mbrojtësi Serjan Repaj dhe sulmuesi Alfred Mensah, nuk do të jenë të gatshëm për shkak se merkatoja e kuqebluve nuk është hapur ende dhe si rrjedhojë, ata të dy nuk mund të rregjistrohen për “Klasiken” ndaj Tiranës.
