Policia e Durrësit me anë të një njoftimi të publikuar sqaron vjedhjen e ndodhur ditën e djeshme në zyrën ku paguheshin gjobat.
Sipas njoftimit, Policia ka arrestuar dy të rinj të identifikuar si, Ekilian Bibi, 27 vjeç banues në Durrës dhe Xhani Ymeri, 30 vjeç banues në Durrës, i dënuar më parë për veprën penale” Vjedhje”;
Policia sqaron se shuma e vjedhur në zyrën ku paguheshin gjobat nuk ka qenë 2 000 000 lekë por 20 000 lekë.
Sipas Policisë, është dokumentuar me prova shkencore se shtetasit e mësipërm në bashkëpunim me njëri-tjetrin janë autorë edhe të ngjarjeve të tjera që kanë të bëjnë po me vjedhje.
Ja njoftimi i plotë i Policisë së Durrësit:
Sqarim për mediat
Në lidhje me një lajm të publikuar në disa portale mbi vjedhjen e zyrës ku paguhen gjobat, ju sqarojmë se:
Drejtoria Vendore e Policisë Durrës ka dhënë njoftim gazetarëve të Qarkut Durrës e shoqëruar me video, (ditën që ka ndodhur ngjarja, datë 01.12.2018 ) publikuar edhe në ËEB të Policisë së Shtetit.
Pak orë pas ngjarjes, nga ana e Forcave të Policisë është bërë e mundur kapja dhe arrestimi i autorëve të dyshuar.
Sqarojmë që nuk janë vjedhur 2 000 000 lekë , por 20 000 lekë.
Më poshtë, ju ridërgojmë njoftimin për shtyp të dhënë më datë 01.12.2018:
Goditet një tjetër grup që kryenin vjedhje në Qarkun e Durrësit.
Arrestohen në flagrancë dy shtetas.
Dokumentohen me prova shkencore 3 vjedhje të dyshuara të kryera prej tyre.
Specialistët për Hetimin e Krimeve në Komisariatin e Policisë Durrës më vijim të punës së tyre për zbardhjen dhe dokumentimin e ngjarjeve në fushën e veprave penale kundër pasurisë kanë bërë të mundur arrestimin e dy shtetasve, konkretisht:
• Xhani Ymeri 30 vjeç, banues në Durrës, i dënuar më parë për veprën penale” Vjedhja”;
•Ekilian Bibi 27 vjeç, banues në Durrës.
Shtetasit e mësipërm ditën e sotme , në lagjen Nr.8 dyshohet se kanë vjedhur zyrën ku paguhen gjobat ku kanë marrë 200 000 lekë (të vjetra).
Gjithashtu, nga veprimet hetimore të kryera është dokumentuar me prova shkencore se shtetasit e mësipërm në bashkëpunim me njëri – tjetrin janë autorë edhe të ngjarjeve si më poshtë vijojnë:
Më datë 27.11.2018 dyshohet se kanë vjedhur me thyerje dhomën e Imazherisë në Spitalin Pediatrik Durrës.
Më datë 30.11.2018 , në lagjen Nr.8 dyshohet se kanë vjedhur banesën e shtetases A.Ç. ku kanë marrë dritare dhe dyer duralumin dhe i kanë shitur në një pikë grumbullimi hekurash.
U sekuestruan në cilësinë e provave materiale:
• një pjesë e pajisjeve të vjedhura në zyrën e Imazherisë;
•dyert dhe dritaret duralumin të vjedhura në banesën e shtetases A.Ç.
• doreza, pinca dhe kaçavida.
Materialet i kaluan Prokurorisë së Rrethit Gjyqësor Durrës për veprime të mëtejshme për veprën penale “Vjedhja në bashkëpunim ” parashikuar në nenin 134/2 të Kodit Penal.
