Një shqiptar ka rënë në prangat e policisë italiane, nën akuzën se në shkurt të këtij viti në bashkëpunim me disa shtetas të tjerë kanë vjedhur një sasi duhani në Napoli.
Mediat e huaja bëjnë me dije se shqiptari 28-vjeçar u arrestua në zonën e Molassanës, ndërsa më pas policët e transportuan në burgun e Marasit.
Aksioni për kapjen e shqiptarit u zhvillua mbrëmjen e 4 majit, kur efektivët e komisariatit të San Fruttuosos, kryesuar nga nënkryetarja Maria Teresa Canessa i zunë pritë dhe e arrestuan.
