Vllaznia në volejboll për femra është rikthyer te fitorja. Vajzat kuqeblu arritën të triumfojnë me rezultatin 3-2 ndaj Pogradecit, në ndeshjen e vlefshme për Kupën e Shqipërisë. Kështu, edhe trajnerja Nora Deda rikthehet me fitore në krye të ekipit të volejbollit të femrave të Vllaznisë. Pas ndeshjes, në prononcimin për mediat, Deda tha se u rikthye në drejtimin e ekipit vetëm nga dëshira për të bërë më të mirën për Vllazninë. Trajnerja e ekipit kuqeblu foli edhe për ndeshjen e fituar prej ekipit të saj.
Në këtë mënyrë, ekipi shkodran siguron dy pikët e para në grup në ndeshjet e vlefshme për Kupën e Shqipërisë.
