Vllaznia në volejboll për meshkuj ka marrë një humbje zhgënjyese brenda në shtëpi.
Djemtë e volejbollit u mundën 0-3 nga Studenti në takimin e luajtur në pallatin e sportit “Qazim Dervishi”. Vllaznia synonte një rezultat pozitiv në këtë përballje por në fakt ka rezultuar e vështirë.
Kuqeblutë nuk kanë qenë në ditën e tyre më të mirë duke humbur përballë Studentit. Kryeqytetasit kanë bërë gjithçka mirë ndaj Vllaznisë duke marrë një fitore të rëndësishme ndaj një ekipi që pavarësisht largimeve është sërish pretendent.
Studenti fitoi 25-20 setin e parë dhe 25-17 të dytin. Vllaznia zgjohet vetëm në setin e tretë por e ka të vështirë të ndërrojë fatin e këtij takimi. Studenti e fiton 25-23 dhe krejt ndeshjen me rezultatin e përgjithshëm 3-0.
