Shtyhet gjyqi ndaj Fadil Kasemit, i arrestuar për vrasjen e bashkëshortes së tij gjyqtare, Fildeze Hafizi. Shkak për shtyrjen e gjyqit te Krimet e Rënda është bërë mungesa e avokatëve. Në seancën e parë në ngarkim ndaj tij, Kasemi u përball në Gjykatën e Krimeve të Rënda me Klodian Tafën, shoferin e furgonit që mori peng ditën e ngjarjes. Seanca e radhës është caktuar nga trupi gjykues me 16 shkurt.
