Kandidati për kryetar bashkie nga radhët e PD në zgjedhjet e 6 marsit për Shkodrën, Xhemal Bushati, ka zhvilluar ditën e sotme takime me qytetarët.
Në një postim në rrjetet sociale, Bushati shfaqet duke u përshëndetur me pronarët e biznesit të vogël.
Bushati u shpreh se mes bashkimit dhe përçarjes, qytetarët e Shkodrës po e japin përgjigjen.
“Ftoj këdo që 6 Marsi të mos jetë thjesht një datë, por festa ku qyteti fiton.” – shkruan kandidati i PD.
POSTIMI I PLOTË
Mes bashkimit dhe përçarjes, qytetarët e Shkodrës po e japin përgjigjen. Të bashkuar për Shkodren.
Kemi shumë punë për të bërë, prandaj duhet ndihma e
secilit prej nesh. Me një Bashki të hapur, ku qytetari dëgjohet dhe bashkëqeveris, Shkodra do të fitojë.
Ftoj këdo që 6 Marsi të mos jetë thjeshtë një datë, por festa ku qyteti fiton.
Shkodra, një qytet, një krenari!
