Zbulohet Call-Centeri që shiste drogë, shkatërrohet banda shqiptare.
Karabinierët e Bracciano-s në Itali kanë arrestuan 5 shqiptarë mes 22 dhe 50-vjeç, për akuzën e shpërndarjes së drogës, raportojnë sot mediat lokale. Ata kishin role të mirëpërcaktuara në shitjen e kokainës në veri të Romës. Aktiviteti menaxhohej nga një Call Center me zyra në një apartament në komunën Riano në Romë, ku merreshin edhe porositë. Efektivët kanë sekuestruar edhe disa makina që përdoreshin nga banda, me shumë hapësira të krijuara rishtas për fshehjen e drogës.
