Zbulohet magazina e drogës, arrestohet trafikanti shqiptar
Karabinierët në Napoli të Italisë kanë zbuluar një magazinë doge dhe kanë arrestuar një 52-vjeçar italian, i njohur për forcat e rendit dhe një 27-vjeçar shqiptar, me banim në Pompei. Ky i fundit, i padënuar më parë, ishte kunati i italianit. Gjatë disa kontrolleve të bëra në Sant’Antonio Abate, Santa Maria la Carità dhe Pompei, karabinierët kanë gjetur 108 kg marijuanë në 22 qese celofani të fshehura në një garazh që ishte në disponim të të dyve, raportojnë sot mediat lokale. Po kështu, janë gjetur 6500 euro në shtëpinë e shqiptarit. Karabinierët e Stacionit të Sant’Antonio Abate dhe Lettere kanë arrestuar 52-vjeçarin italian me iniciale D.V., dhe 27-vjeçarin shqiptar me iniciale H.M. për posedim dhe shitje droge.
