Shkencëtarët në Kili besojnë se një pemë halore me një trung katër metra të trashë, mund të jetë pema më e vjetër në botë.
Një studim i ri i kryer nga studiuesi Jonathan Barichivich, një shkencëtar kilian në Laboratorin e Shkencave Klimatike dhe Mjedisore në Paris, sugjeron se pema, një selvi Patagoniane , e njohur gjithashtu si Alerce Costero, mund të jetë deri në 5,484 vjeç.
Maisa Rojas, e cila u bë Ministre e Mjedisit në Kili në mars dhe është anëtare e Panelit Ndërqeveritar të Kombeve të Bashkuara për Ndryshimet Klimatike, e konsideroi lajmin si një “zbulim të mrekullueshëm shkencor”.
Në vitin 2020, Barichivich mori një mostër nga pema dhe përdori modele kompjuterike për të përcaktuar moshën e saj.
Nëse zbulimet e tij vërtetohen, Alerce Costero do të kalonte një pishë 4853-vjeçare në Kaliforni, e njohur si Methuselah, dhe tani mendohet të jetë pema më e vjetër.
Midis 1973 dhe 2011, më shumë se 780,000 hektarë pyje vendase u humbën në Kili, dhe komisioni i pyjeve vlerëson se gjatë dy dekadave të fundit, midis 60,000 dhe 70,000 hektarë ose pyje amtare janë shkatërruar çdo vit.
