Zgjedhjet, Demiraj mbledh drejtuesit e Policisë
Ministri i Brendshëm Dritan Demiraj ka zhvilluar një takim me drejtuesit kryesorë të Policisë së Shtetit, ku në fokus ishte marrja e masave konkrete të evidentimit të shit-blerjes së votës, presionin ndaj zgjedhësve, përdorimin e parave nga burime të paqarta në ndikim të procesit elektorale dhe marrjen e bllokimin e kartave përkundrejt shpërblimit monetar me qëllim heqjen e së drejtës për të votuar. Demiraj është shprehur se cdo tolerim ndaj këtij fenomeni do të penalizohet rreptësisht dhe i gjithë zinxhiri drejtues i policisë së shtetit do të mbajë përgjegjësi sipas përcaktimeve të ligjit. Po ashtu rëndësi iu dha planit të masave për të papriturat para, gjatë dhe pas ditës së zgjedhjeve.
