Kolegji Zgjedhor në Tiranë ka dhënë vendimin në lidhje me kërkesën e Partisë Uniteti Kombëtar të Idajet Beqirit për çrregjistrimin nga zgjedhjet vendore.
Kolegji Zgjedhor la në fuqi vendimin e KQZ-së për të mos çrregjistruar Partinë e Unitetit Kombëtar duke lënë automatikisht në fuqi 30 qershorin për zgjedhjet vendore.
Kreu i Partisë Uniteti Kombëtar Idajet Beqiri tha se pas këtij vendimi të Kolegjit Zgjedhor Partia e tij do të shkojë në zgjedhje.
Nëse pesë gjyqtarët e Kolegjit Zgjedhor do të pranonin kërkesën e Beqirit, duke urdhëruar KQZ ta çregjistrojë Partinë Uniteti Kombëtar nga zgjedhjet, atëherë pranohej ligjshmëria e dekretit të Presidentit dhe 30 qershori do të rrëzohej por kjo datë mbetet në fuqi për zgjedhjet edhe pse jo me dekret të Presidentit.
