Karabinierët, policia dhe Gauardia di Finanza kanë ndërmarrë një operacion masiv, duke arrestuar 25 persona.
Të arrestuarit dyshohet se janë pjesë e tre organizatave të ndryshme kriminale.
Njëra prej tyre ishte e tipit mafioz, i cili vepronte në të gjithë bregun Joniano-Lucano.
Grupi kriminal është i përfshirë në zhvatje, trafik droge, kryesisht kokainë dhe hashash.
Në operacion u angazhuan 170 karabinierë të ROS dhe komanda provinciale e Materas, 100 efektivë të Policisë së Kozencës dhe 60 ushtarë të Komandës Provinciale të Guardia di Finanza.
Përveç ekzekutimit të 25 urdhër-arresteve, agjencitë e zbatimit të ligjit janë angazhuar në 22 kërkime për armë dhe drogë.
Konfiskimet e aseteve, pronave dhe aktiviteteve të biznesit, janë duke u zhvilluar në provincat Matera, Potenza, Bari, Lecce, Foggia, Milano dhe Salerno.
