Hysen Zmijani është një nga ata që para 30 vitesh ishte në fushën e lojës kur Shqipëria luante ndaj Spanjës.
Zmijani kujton se si ishte të luaje kundra emrave si Butragenjo në atë kohë kur Shqipëria ishte ende një vend i mbyllur. Pavarësisht se të gjithë lojtarët luanin me ekipe shqiptare Spanja në “Qemal Stafa” rrezikoi duke fituar ngushtë 2-1. Për ndeshjen e tanishme mes Shqipërisë e Spanjës, Zmijani thotë se është e vështirë për barazimin por futbolli ka gjithmonë surpriza. Bashkë me Hysen Zmijanin në fushën e lojës para 30 vitesh ishte edhe shkodrani tjetër Fatbardh Jera. Edhe sot dy shkodranët Balaj dhe Hysa bashkë me pjesën tjetër do provojnë të ndalin furinë spanjolle.