Për vitin 2018 në fokus të zyrës rajonale të punës Shkodër do të jetë rritja e punësimit tek të rinjtë përfshi këtu edhe shtresat vunerabel. Drejtoresha e këtij institucioni Rozafa Zmijani tha se objektivat kanë si synim nxitjen e punësimit atë që qeveria e ka në fokus së punës së saj.
Punëkërkuesit preferojnë sektorët më të thjeshtë sic janë roje ose pastruese, apo punë në shtet por kjo sipas Zmijanit është e pamundur pasi për hir të së vërtetës rajoni i Shkodrës ofron mundësi të pakta në sektorët e punësimit që punëkërkuesit preferojnë.
Zmijani thotë se ka patur rënie të numrit të punëkërkuesve por ky numër pritet që të rritet në muajin e ardhshëm për arsye të nisjes së sezonit turistik
Sipas informacioneve nga kjo drejtori ashtu si pjesa më e madhe e rretheve veriore të shqipërisë edhe Shkodra përballet me një nivel të lartë të papunësisë dhe ritme më të ulëta të zhvillimit ekonomik krahasuar me pjesën tjetër të vendit.
